Murume akwegura,uyo akamira pamberi pedare nezuro,akaiswa mutirongo mushure mokubhemba muvakidzani wake katatu nemachete achimupomera mhosva yehuroyi.
Chrispen Mutasa (24) wwkuPlot 13 Sinara Farm,Old Mutare akamira pamberi pamagistrate Perseverance Makhala achipomerwa mhosva yokuda kuuraya.
Haana kukumbirwa kuti ateterere pamberi pedare uye akaiswa mutirongo kusvika musi wa19 Nyamavhuvhu.
Prosecutor Tinotenda Muzondo vanoti musi wa2 Nyamavhuvhu nenguva dza7 am mangwanani,mupomerwi Loina Mwaliwa (36) wepaplot imwechete aidiridza gadheni rake apo Mutasa akasvika achimupomera huroyi.
Mutasa akapotsera badza kuna Mwaliwa,iro rakapotsa.Akamutevera akamutema tema nemachete katatu paruoko,Mwaliwa akakuvara.
