University of Zimbabwe (UZ) yakaraira vadzidzi vayo vese kuti vabaiwe majekiseni vasati vadzokera kukoreji kunonyora bvunzo dzekupera kwesemester.
Kuvadzidzi nemusi weChina, Executive Acting Registrar weUZ Maxwell Chikerema akati vakabaiwa nhomba chete ndivo vaizotenderwa kunyora bvunzo dzavo.
“Yunivhesiti yeZimbabwe inoda kuraira nekukurudzira vadzidzi vayo kubayiwa majekiseni ekudzivirira Covid.”
“Chenjedzo iyi ndeyekuzvidzivirira, vamwe vatinodzidza navo pamwe nevashandi vedu apo patinogadzirira kudzokera kukambasi munguva pfupi iri kutevera kuitira bvunzo.”
“Tese ngatirangarirei kupfeka mamask, kugeza maoko nekusamira pedyo nepedyo. Ndapota ramba wakachengeteka. ”
Izvi zvinouya mushure mekunge hurumende svondo rapfuura yazivisa kuti machechi anogona kutangazve mabasa epa-munhu asi kune vachengetwa chete.
