Murume ane makore 76 ekuberekwa, wekuKuwadzana akazviuraya nekuzvisungirira mushure mokunge orambiwa nomudzimai wake wechidiki.
Noah Masawu, 76, akawanikwa akarembera kumba kwake kuKuwadzana Extension nemukadzi wake Martha Shoko, 30. “Murume wangu ainetsana nevana vake nekuti vaigara vachinetsana kuti sei akandiroora ndine makore makumi maviri nemaviri.
“Vana vake vese vakuru kwandiri uye ndinoziva ndipo pakatangira matambudziko ese nekuti vaizoti baba matinyadzisa kuroora mwana mudiki.”Vaisatumira chero mari yekuti tirarame vaive voti tizvionere.
“Ndipo pandakati kumurume wangu, zvirinani kuti ndiende nevana ndodzokera kuvabereki vangu sezvo anga asingakwanise kuriritira mhuri.” Zvichida ndizvo zvakazoita kuti azviuraye nekuti vana vake vaive vamusiyawo.
“Aitaura nezvekuzvisungirira netambo nhasi atora tambo ndikangofunga kuti kwaive kuseka.” Ndakatoudza imwe hama nezvazvo, asi havana kunditeerera. “Kuma 2pm, ndipo pandakasheedza muvakidzani nekuti ndaitya kuvhura musuwo,” akadaro Shoko.
Pazovhurwa musiwo ndipo patawana murume wangu akazvisungirira.Azviuraya nokuti hapana ange achine hanya naye. Akandisiya ndine vana, kusanganisira vangu, vese havasi kuenda chikoro nekuti hatina mari, ”akatsanangura kudaro.
Nekudaro, vavakidzani avo vakasarudza kusazivikanwa vakatumira H-Metro odhiyo yekurekodhwa nemufi achivaudza kwavari nezvekuti mukadzi wake mudiki aimuitira zvakaipa Mumwe wavo akati: “Baba vakauya kune umwe wedu tika recorder zvese zvavaitaura, taivati sekuru.
“Murume uyu akafa achishungurudzika nekuda kwemukadzi wake uyo anga achimuregeredza.” Masawu akatiudza kuti anogara achinzi aende, vaigara vachirwa nekuda kwekuchengetedza uye mudzimai aigara achimutyisidzira. Ndosaka zvakadai zvaitika uye tine rombo rakanaka kuti humbowo huripo.
