Mudzidzisi wepachikoro cheZRP High School amiswa pamberi pedare raMagistrates Court muHarare achipomerwa mhosva yekubata chibharo mwana wechikoro waanga achiitisa zvidzidzo zve-science extra-lessons mu-laboratory yechikoro.
Teacher Mlambo vanemakore (49) okuberekwa havana kupihwa mukana wokuti vadavire mhosva dzavari kupomerwa apo pavamiswa pamberi pemutongi wedare, VaDennis Mangosi, avo vabva vavaisa muchitokisi kusvika musi 3 August. Magistrate apa zano Teacher ava rokuti vaende kuHigh Court kunonyorera chikumbiro che-bail.
Zvirikunzi panguva yema-lessons, mwanasika uyu ane makore 15 akaudza mudzidzisi wake kuti mu-class room maritonhora zvakanyanya ndokubva Teacher vake vamuti hande kuhofisi kwangu tinoita zvidzidzo zvedu tirikunodziya. Dare raunzwa kuti Mlambo akataura kuti vashandise hofisi yake iri murabhoritari.
Ichitaurwa nyaya iyi mi-court zvirikunzi Teacher ava vakabva vaenda nomwana uyu muhofisi mavo, Teacher Mlambo achingopinda akabva abvisa bhurugwa rake nokukasika ndokumukurura nechisimba wechidiki asati amubata chibharo. Mushure mekudashurwa zvakasimba, musikana uyu akaenda kunotaurira vamwe Teacher ve-Biological, uvo vakabva vazivisa vabereki vomwana uyu.
Vabereki vemusikana uyu vakaendesa nyaya iyi kumapurisa zvakaita kuti Teacher Mlambo vasungwe uye vachizomira pamberi pedare vachipomerwa mhosva yekubata chibharo.
