Mumwe murume wepaTongogara Camp achapedza makore gumi nemasere ari muhusungwa mushure mekunge abaya mumwe wake nebanga uyo waaipomera kudanana nemukadzi wechidiki uyo waaive arambana naye.
Simbarashe Mauraye Simango akapihwa mutongo wakaoma pamberi pemutongi weMutare High Court, Justice Isaac Muzenda vachipomerwa mhosva yekuuraya sezvakatsanangurwa muSection 47 (1) (a) kana (b) yeCriminal Law Codification and Reform Act Chapter 9: 23.
