Mapurisa eZimbabwe Republic Police (ZRP) anozivisa kusungwa kwemurume ane makore 55 okuberekwa nenyaya yekuba motokari yerudzi rweMazda B1600 muBulawayo neChishanu.
Musi wa04 Kurume 2022, mapurisa emuBulawayo akasunga Ignatius Sounds Mudzudzu nemhosva yekuba motokari muCBD.
Muchinda uyu akabatwa neMapurisa achityaira motokari yakabiwa yeMazda B1600, yakaiswa muchina wekuronda mota, kunzvimbo yeCrocodile kuEsigodini.
Chigaba chependi yeGlue Devil chaakashandisa kusvibisa zita remotokari yekambani chakaburitswa mumotokari. Imwe ongororo yakaitwa yakabatanidza musungwa nedzimwe nyaya mbiri dzakaitika muBulawayo CBD musi wa07 Kukadzi 22 na20 Kukadzi 2020, apo anonzi akaba motokari mbiri ndokudzitengesa kuMozambique.
