Chronicle.news
MURUME wekuba motokari yekanzuru yeBulawayo (BCC) mwedzi wapera ndokuipfapfaidza akaipenda, akasungwa kuEsigodini.
“Mapurisa ekuBulawayo akasunga Ignatius Sounds Mudzudzu ane makore 55 okuberekwa nemhosva yekuba motokari yakaitika muBulawayo CBD musi wa04/03/22 nenguva dzinosvika 1000hrs. Muchinda uyu akabatwa nemapurisa achityaira motokari yaive yabiwa yerudzi rweMazda B1600, yakaiswa tracker yekuronda mota, panzvimbo yeCrocodile kuEsigodini.
Chigaba cheGlue Devil spray pendi chaakashandisa kusvibisa zita remotokari yekambani chakawanikwa mumotokari, “akadaro mapurisa papeji yavo yeTwitter.
Mutauriri wemapurisa mudunhu reBulawayo, Inspector Abednico Ncube, vanotsinhira kuti motokari iyi yakabiwa uye yatowanikwa ndeyeBCC.
Zvinoratidza kuti VaMudzudzu vakaba dzimwe mota mbiri muBulawayo ndokudzitengesa.
“Dzimwe ongororo dzakabatanidza musungwa nedzimwe nyaya mbiri dzakaitika kuBulawayo CBD musi wa07/02/22 na20/02/22, idzo anonzi akaba motokari mbiri ndokudzitengesa kuMozambique,” akadaro mapurisa.
