MURUME ane makore 40 ekuberekwa wekuGuruve ari kutiza mushure mekurova mudzimai wake nebadza katatu pamusoro peziso rekurudyi mushure mekubata mukadzi wake achorohwa sinhi parwizi Mukura.
Mutauriri wemapurisa kudunhu reMashonaland Central, Assistant Inspector Naison Ndliwayo, vanoti vaparura chirongwa chekutsvaga Clyton Domingo (40) wemumusha weWachenuka vada kuuraya Isabel Karambakuwa (43).
Karambakuwa anga arikuMukura River nemukomana wake Moses Kavhura (45) weKavhura Village iri pasi paSabhuku Chipuriro, Domingo akasvika vaviri ava varipakati pekuita mutambo wavo.
Aedza kurova Kavhura ndokupotsa. Kavhura akatiza, achisiya Karambakuwa kumashure. Domingo akamurova katatu pamusoro peziso rerudyi nebadza ndokutiza achimusiya arara mudziva reropa.
