Sangano revatapi venhau rapinda mukuchema zvakare zvichitevera kufa kwemutori wenhau Tawanda Gudhlanga.
Anga ava nemakore 41. Gudhlanga anonzi akafa achitambura zvine chokuita neCovid-19 nezuro mangwanani.
Rufu rwake rwunouya mazuva mashoma mushure mekufa kwemumwe mutori wenhau wepamusoro Sandra Nyaira.
Panguva yekufa kwake, anga ava manager mukuru kuYaFM muZvishavane. Mutauriri wemhuri Muzvare Moira Gudhlanga vatsanangura kufa kwemukoma wavo sekurasikirwa kukuru kumhuri nekunyika yose.
Sangano reZimbabwean Union of Journalists (ZUJ) rinoti “ririkurwadziwa zvikuru nekufa kwemumwe wavo mutapi wenhau, Tawanda Gudhlanga, nokudq kwematambudziko eCovid-19”. — Herald
