Makorokoza matatu vekuNewlands mudunhu reZvimba vakafa nemusi weChishanu apo mugodhi wavaichera wakadhirikira ivo varimukati ndokutadza kubuda.
Vanhu vatatu ava vaishanda kubva mugodhi usina kunyoreswa pasi peimwe nzvimbo yaVaMapiki, makiromita gumi kubva kuChinhoyi vakananga kuBanket. Mitumbi yevashakabva ava yakavhukunyurwa neChishanu pakarepo, kuchizoti imwe yacho yekupedzisira yakazovhukunyurwa neSvondo manheru.
Mutevedzeri wegurukota rezvemigodhi nekucherwa kwezvicherwa, Polite Kambamura akazivisa chiitiko chinosuwisa ichi, achiti kufa kwacho kwanosiririsa chaizvo. — Herald
