Mumwe murume wekuKariba apunyuka rufu mushure mekunge nzou yamurwisa nhasi mangwanani apo zviitiko zvekukuvadzwa kwevanhu nemhuka dzesango zviri kuramba zvichiwedzera mutaundi umu.
Chiitiko ichi chakaitika mumugwagwa mukuru weMahombekombe Township munzvimbo yeLocal Board nguva dzekuma 4am apo nzou yakamukwevera mugwenzi riri pedyo.
Vavakidzani vakanzwa mhere apo murume aivhunduka, uyo anove nhengo yeboka revapositori aichemera rubatsiro.
Neraki, murume akakwanisa kupukunyuka kubva kunzou asati amhanyira kuChechi yeMethodist yaive padyo.
Ainge akuvara gumbo rerudyi
