Mapurisa ari kuferefeta nyaya inonzi nemuporofita anonzi akabata chibharo mukadzi ane makore makumi matatu muOld Highfield muHarare.
Inspector Tendai Mwanza vakati zvinonzi, musi wa6 Chikumi 2121 kuma3 dzemasikati, mupomeri akanonzi Madzibaba Ray, akashanyira mumhan’ari kumba kwake kuHighfields.
“Paakasvika, zvinonzi mupomeri akazvizivisa saMadzibaba Ray kubva kuJohane Masowe yeChishanu-Nyeredzi Nomwe.
“Anonzi akaudza chichemo ichi kuti aive akabatwa nemweya wakaipa uyo waida kuchenurwa pamweya.
“Anofungidzirwa anonzi akasvika padyo nemumhan’ari ndokuvhura zipi yejean dhirezi rake.
“Anonzi akaudzawo mumhan’ari kuti akange atumwa neMweya Mutsvene kuzomuchenesa.
“Mukuita izvi, mupomeri aive abonderana zvisina hunhu kamwe chete pasina mvumo yemumhan’ari.
“Mushure mechiitiko ichi, mupomeri akabva asiya mumhan’ari ari ega,” akadaro.
“Gare gare, mumhan’ari akaudza Mudzimai mumwe nezvedambudziko iri.
“Pakazodaidzwa munhu anofungidzirwa naMadzimai nezve zvakaitika, akanzvenga.
“Nyaya iyi yakazomhan’arwa kumapurisa uko kuferefetwa nyaya yacho
Inspector Mwanza vakakurudzira veruzhinji kuti varege kunyengerwa nevanonzi vanozviti maporofita kuti vatende kuchenurwa pamweya kuburikidza nebonde.
