Nemutori wenhau- Bhazi reZupco rabatira moto rasiya vafambi vakati wandei vachitsvaga pekuhwanda.
Bhazi ranga richienda kuguta guru ririnonzi ratanga kubvira nekuda kwemagetsi akanganisika vamwe vafambi vakuvara.
Bhazi raderedzwa kuita goko
Hapana vanhu vafa asi vanhu vashoma varasikirwa nezvinhu zvavo zvakakosha.
Mumwe wevatyairi ati zvakonzerwa nemagetsi akanganisika.
“Zvaitika nekukasira, anga ari magetsi akanganisika.
“Hatina kukwanisa kuita zvakawanda asi zvirinani kuti munhu wese ararama,” adaro.
Achitaura nemumwe mugari weHatfield Kudakwashe Chatikobo ati:
“Mukoma wangu, zvinosuwisa nekuti tiri kupemberera magamba.
“Ndinogara padhuze saka ndanzwa ruzha uye ndauya kugedhi ndipo pandaona moto.
“Vanhu vanga vachipopota nekusvetuka kubva mubhazi uye vazhinji varasa mbozhanhare, uye zvimwe zvakakosha.
“Chinhu chakanaka hapana munhu akuvara zvakaipisisa.
“Hatina kuwana zvekudzimisa moto.”
Awedzera kuti:
“vanoona nezvekudzinwa kwemoto vanonoka pavasvika bhazi ranga ratopara nechekarethe.
”Hapana zvavagona kuita.
“Zvaitika nekukurumidza hatina kupiwa nguva yekuzogadzirisa.”
Mumwe mufambi anonzi Caroline ati chiitiko ichi chaitika nekukurumidza uye arasa bhegi rake ari munzira yekutiza.
“Ndarasa kabhegi kangu nephone yangu.
“Tangonzwa ruzha rwaita serwekuputika kwetayi uye bhazi rose ranga razara utsi.
“Panga pasina kumira mushe mwana wamai,” adaro.
