Mabiko akaitwa risiri pamutemo musi weIndependence kuHwange akapera nenjodzi mushure mekunge mumwe mugari akabata mukadzi akaroorwa kuti atambe naye zvinonzi akazobaya murume wake kusvika afa.
Mutauriri wemapurisa kudunhu reMatabeleland North Inspector Glory Banda vakati Advance Sibanda (33) vekuMakwandara Village pasi paSabhuku Nekatambe vakafa mangwanani-ngwanani eMuvhuro, maawa mashanu vabayiwa naBongani Dube (31) vekuSialwindi munzvimbo yaSabhuku Dingani-Nelukoba yakavakidzana nayo.
Dube akaendeswa zvakare kuSt Patrick’s Hospital muHwange pasi pevarindi vemapurisa aine ronda rakadzika rekubayiwa pachidya.
