Muzvinabhizimusi wekuMasvingo uye vari nhengo yeZanu PF VaBenjamin Mazarire nezuro, Chivabvu 03, vakauya kechipiri mudare redzimhosva maererano nemhosva yerap_e iyo yavakapara gore rapfuura.
Sekuratidzwa nemuchuchisi Liberty Hove,zvinonzi musi wa08 August , 2020, Mazarire (60) akakoka mumhan’ari ane makore makumi maviri nemapfumbamwe (uyo asingazodomwe nezita nekuda kwezvikonzero zvehunhu) kuhofisi yake ndokumukumbira kuti auye nemaboxer short aaitengesa.
Ku hofisi, mupomeri anonzi akakiya musuwo ndokugara padhuze nemukadzi uya waakabva atanga kubata bata mazamu kwakumurepa zvisina mvumo yake. Akatanga kuridza mhere pakarepo.
