Mukadzi ane makore 21 okuberekwa wekuShurugwi akafa mushure mokurohwa nemurume wake nechigaro mukurwira kushaya mari.
Mapurisa akatsigira chiitiko ichi icho akati chakaitika nemusi weChina svondo rapfuura.
Insp Mahoko vakati Simbarashe Majasi naAmai Audrey Chikoka vaive muimba yavo yekurara nevanakomana vavo vaviri vadiki pakamuka kunzwisisana nemurume wavo.
Vakati Majasi aipomera mudzimai wake Chikoka kuti akaba mari yake.
Vaviri ava vakapedzisira vorwa. Simbarashe Majasi akabva atora chigaro chemuti ndokurova Audrey Chikoka kamwechete kumusana. Akadonha ndokufenda, ”vanodaro Insp Mahoko.
Vanoti Landlady, Mai Sithembile Mpofu (48) vakanzwa ruzha ndokugogodza pamusuwo kuti vaone kuti chii chaiitika.
Insp Mahoko vakati Majasi aive atiza panguva yakapinda mai Mpofu mumba.
“Chikoka akaendeswa kuchipatara cheShurugwi District Hospital uko akafa achangosvika. Nyaya iyi yakamhan’arwa kumapurisa.
