Imwe mhuri yekuVictoria Falls yasara isina romuromo mushure mokunzwa roja ravo rinepamuviri richiridza mhere mukicheni richiti rarohwa nechidhoma, ndokuzo discover kuti manyepo mukadzi uyu anga atoba mari inosvika US$420.
Lenience Gambiza uyo anemakore (21) okuberekwa nemurume wake Moses Mathe, vava kugara pamasitendi e8753 CBZ, vakatanga kuroja kumba kwaVaCharles Mandishara kuMfelandawonye makore maviri apfuura.
VaMandishara nemudzimai wavo vakazoona musi wa7 Chivabvu gore rino kuti Gambiza aipinda muchivande mubhedhuru mavo kuti avabire mari apo akabatwa aine US$420 neZWL $47 iyo yaaive akaviga muhombodo yake yemukati.
Mushure mekubatwa, Gambiza akatanga kupopota achiti aive aona goblin mukitchen remuridzi wemba ndokunyepedzera kunge abatwa nepfari.
