Mutungamiriri wemauto eZimbabwe Defence Forces General Phillip Valerio Sibanda akapotsa afa munjodzi yemotokari apo mutyairi aimhanyisa motokari zvakanyanyisa.
Sinoia Desmond (51) akamira pamberi pemutongi wedare Barbara Mateko nezuro ndokubvuma mhosva yaaipomerwa yekutyaira zvisina tsarukano.
Hurumende yakati musi wa23 Nyamavhuvhu kumazuva rovira, Desmond akatadza kuenda nenzira yaGlenara Avenue ndokurova mota yaive naGeneral Valerio Sibanda nemubatsiri wake, mutungamiri weSquadron, Mark Pride Mangwende.
Muchuchisi Caroline Mutimusakwa akati munhu ari kupomerwa anofanira kupihwa mutongo wakaomarara kuti vatyairi vafambe zvakanaka mumigwagwa.
