Sigcwalisekile isaga esithi ‘akuqili lazikhotha emhlane’ ngemva kokubanjwa kwamasela enkomo amane eLalapanzi.
Amasela la abalisela omkhulu wawo, uCriswell Maponga oleminyaka engu-42 labanye bakhe uFanuel Sisitiga, Walter Mukiza loTinei Moyo babanjwe ngemva kokuba amapholisa encwetshwe indlebe yizakhamizi.
UMthunywa uxhumane lesikhulumi samapholisa eMidlands uInspector Emmanuel Mahoko othe udaba olunjalo balalo.
“Siphenyisisa udaba lwamadoda amane etheswa amacala okutshontsha inkomo ezimbalwa.
“Njengamapholisa sithanda ukukhuthaza uzulu ukuthi nxa esusa inkomo ezisa kwenye indawo kumbe entshintshana lomunye abone ukuba uthola amaphepha afaneleyo avela emapholiseni ukuze angazitholi laye sokuthiwa ulecala ngoba amaphepha engadlulanga emapholiseni,” kutsho uInsp Mahoko. — uMthunwa
