Pfuti dzakaburitswa nezuro muBulawayo apo makororo akapakatira pfuti akanongedzera kumunhu aifungidzirwa kuti mutengesi wemari yekunze zvisiri pamutemo, achibva amubira 110 000 rand neUS$700.
Pakarepo vazhinji vakabva vaungana munaJosiah Tongogara Street ukuo chikwata che Criminal Investigation department (CID) changa chatova mubishi kutsvaka mbavha idzi.
Vakaona zvichiitika vanoti mutengesi wemari aive mukati memota yake, Honda Fit, apo makororo akabva asviko pwanya hwindo repamberi remutyairi ndokutora bhegi nemari. Chiitiko ichi chakaitika kuma11am. Makororo akapakata zvombo anonzi akaridza pfuti panguva imwechete vachipanya window vachibva vatora mari yose.
Zvirikunzi vanhu pavakada kuvamhanyisa varume ava vakabva varidza pfuti ndokuzosvetukira mumota yerudzi rwe grey Honda Fit yaive yakamiswa padhuze nekona,” akadaro mumwe wevatengesi ve forex.
Mutauriri wemapurisa muBulawayo, Inspector Abednico Ncube vati vachiri kuongorora nezvenyaya iyi.
— SundayNews
