Mumwe murume wekuBanket akaenda kumariro uye akazoita shura chairo kumariro ikoko apo akarepa zvakaomarara wechidiki neshure.
Bright Mutero ane makore makumi matatu nemapfumbamwe, weDunlone Farm iri muBanket aifanirwa kumira pamberi paChinhoyi Provincial Magistrate Tapiwa Banda achipomerwa mhosva yekuzvidza asi nyaya iyi yakazomiswa kusvika munaChikunguru 2021, sezvo dare redzimhosva reChinhoyi riri rimwe rematare manomwe emagistrate akavharwa nekuda kwevamwe vashandi vakabatwa Covid.
Mhosva yake ndeyekuti musi wa9 Chikumi, 2021 kuPeranpoth Farm, Mutero anga achienda kumariro nemukomana uyu neshamwari dzake.
Vakazoenda kutuck-shop kwaishanda pwere iyi uye Mutero akatora rimwe doro nechingwa.
Vashanu vakadzokera kumariro uye gare gare Mutero newechidiki neshamwari dzake vakaenda kunorara mutende.
Mushure mechinguva Mutero akatanga kupuruzira wechidiki penis yake. Mumhan’ari aive akarara uye aisaziva zvaitora nzvimbo.
Akamuka mangwanani akatevera achinzwa marwadzo kushure yake. Mutero akamuperekedza kutuck-shop ndokuudza wechidiki kuti ane chikwereti cheUS $ 10 yezvinhu zvaakatora husiku hwapfuura.
Mumhan’ari akaenda kunorara mutuck-shop.
Nenguva dza9 mangwanani, akamuka ndokudzokera kumariro. Mushure menguva yakati rebei, akadzokera kutuck-shop ndipo pakauya imwe shamwari yake patuck-shop ndokumuudza kuti aive adashurwa naMutero.
Mukomana uyu akazoburitsa nyaya iyi kumuridzi wechitoro naamai vake uye nyaya iyi yakazomhan’arwa kumapurisa.
