Mumwe murume anonzi akabata chibharo mwanasikana wemukadzi wake anemakore 10 okuberekwa.
Murume ane makore 44, anogara kuParadise Park kuMarondera, asi achishandira muHarare, akamira pamberi pedare pemutongi wedare va Ignatio Kudakwashe Mene.
Nyaya yakatungamirwa naMorgan Dube ndeyekuti pazuva risingazivikanwe neHurumende, mukadzi wemurume akaenda kubasa, achimusiya nemwanasikana ane makore gumi pamba.
Murume anonzi akadeedza mwanasikana kuti auye kuimba yake yekurarira, akamuisa pamubhedha zvechisimba paakamubata chibharo achishandisa condom.
Murume uyu aityisidzira mwanasikana nechisimba achiti kana akangotaura nyaya iyi kuna amai vake anomjuraya.
Musikana uyu akatiza pamba
Ndokuenda kumba kweshamwari yake ndokunorondedzera dambudziko rake kushamwari yake.
Nyaya iyi yakazomhan’arwa kumapurisa zvakabva zvaita kuti murume uyu asungwe.
