Muchiitiko chakakatyamadza vanhu vemumusha, amai vachiri kuyaruka vanobva kuNyevedzanai Village kuChivi District, mudunhu reMasvingo vanonzi vakakanda mwana wavo ane makore maviri murwizi rweTugwi rwakazara nemakarwe zvichitevera kukakavadzana nemukoma wake uyo aimupomera hupombwe.
Mwana uyu, uyo akakandwa mune imwe yenzizi huru mudunhu iri idzo dzinodirawo kudhorobha guru reTugwi-Mukosi, haasati awanikwa kubva pakaitika chiitiko ichi musi wa1 Kubvumbi. Mutauriri wemapurisa kuMasvingo, Inspector Kudakwashe Dhewa vakatsigira chiitiko ichi ndokuti amai vechidiki vakasungwa apo mapurisa achiri kutsvaga mwana
