Mumwe mupurisa akasungwa achipomerwa kubata chibharo mukadzi ane makore makumi matatu ekuberekwa uyo aiyamwisa kukamba yemapurisa mushure mokunomhan’ara nyaya yemhirizhonga pakati pemurume wake naye.
Constable Shakemore Muzanechita (50), avo vakamira kuZRP Karoi Urban, neMugovera vakamiswa pamberi pemutongi weKaroi, VaGodwills Mavenge, vachipomerwa mhosva ye rap_e sekutsanangurwa kwavakaitwa muChikamu 65 cheCriminal Law (Codification and Reform) Act Chapter 9:23.
Muzanechita akaiswa mutirongo kusvika Muvhuro apo mutongo wechibatiso unotarisirwa mushure mekunge gweta rake Unite Saizi weSaizi Law Chambers anyorera rusununguko rwake.
